Pinuri ni ‘Game of Thrones’ star Iain Glen ang cast at crew ng upcoming historical film na “Quezon” at sinabing masaya siyang maging bahagi nito.
Sa isang Instagram post nitong Sabado, Marso 29, nagbahagi si Iain ng ilang mga larawan bilang pasilip ng kaniyang look sa gaganapan niyang karakter na si Leonard Wood, ang tumayong gobernador-heneral ng Pilipinas sa ilalim ng Estados Unidos mula 1921 hanggang 1927.
“Shooting a film #Quezon in the Philippines, playing their last Governor General Leonard Wood, as the country sought independence from American rule,” anang Scottish actor sa kaniyang post.
“Really wonderful cast and crew. What an adventure. More to follow…,” dagdag niya.
'Hindi ko siya mama!' Charo, patutunayang 'may asim pa' kay Dingdong
Nagbigay naman ng komento sa naturang post ni Iain ang mga kapwa niya bibida sa pelikula na si Jericho Rosales, na siyang gaganap bilang dating Pangulong Manuel Quezon, at Mon Confiado, na gaganap naman bilang dating Pangulong Emilio Aguinaldo.
“Cheers to more ,” ani Jericho sa post ni Iain.
“Honored and Privileged! You are an amazing actor! ,” komento naman ni Mon.
Matatandaang noong buwan ng Enero nang ianunsiyo ng TBA Studios nakatakdang ipalabas ang “Quezon”, hindi lamang sa Pilipinas kundi maging sa ibang mga bansa, bago matapos ang taong 2025.
Sa direksyon ni Jerrold Tarog, bahagi ang “Quezon” ng trilogy nito, mula sa box office hits na “Heneral Luna” at “Goyo: Ang Batang Heneral.”
BASAHIN: ‘Bayaniverse is back!’ Produksyon ng historical film 'Quezon,' sisimulan na sa Marso
