Vic Sotto kay Mayor Vico: 'Ang susunod na presidente ng Pilipinas'

By Ralph Mendoza

March 28, 2025

In BALITA Eleksyon

Tila kine-claim na ni “Eat Bulaga” host Vic Sotto na magiging pangulo ang anak niyang si reelectionist Pasig City Mayor Vico Sotto.

Sa ikinasang campaign rally ng “Giting ng Pasig” nitong Biyernes, Marso 28, ipinakilala ni Vic ang anak niya bilang susunod na pangulo ng Pilipinas.

Aniya, “Mabuhay kayo, mga Pasigueño. I’m very proud of you. Ito na po, ipapakilala ko na po. Alam n’yo naman siguro kung kanino nagmana. Kanino pa? E ‘di sa nanay [Connie Reyes].”

“Ito na po, ang susunod na presidente ng Pilipinas, Mayor Vico Sotto,” dugtong pa ni Vic.

Matatandaang marami ang naghahangad na tumakbo sa pinakamataas ng posisyon ng bansa si Mayor Vico. Isa na rito si showbiz insider Ogie Diaz na nag-manifest agad para sa taong 2034.

MAKI-BALITA: Ogie nag-manifest kay Mayor Vico sa 2034: 'My future president!'

Sa kasalukuyan, hindi pa kwalipikado si Mayor Vico sa naturang posisyon dahil sa edad niyang 35.

Ayon sa Konstitusyon, isa umano sa mga kwalipikasyon sa pagkapangulo ay hindi dapat bababa sa 40 ang edad ng kakandidato.

VP Sara, nag-eendorso raw para sa impeachment trial—solons

Nagbigay ng reaksiyon sina La Union 1st district Rep. Paolo Ortega V at Lanao del Sur 1st district Rep. Zia Alonto Adiong matapos mag-endorso ng mga kandidato sa pagkasenador si Vice President Sara Duterte, na nahaharap sa impeachment trial na nakabinbin sa Senado.Kamakailan lamang, inendorso ng Pangalawang Pangulo sina reelectionist Sen. Imee Marcos, House Deputy Speaker Camille Villar, at SAGIP...

Espiritu, pinuri si Bitoy dahil sa comedy sketch tungkol sa political dynasty

Naghayag ng paghanga si labor leader at senatorial aspirant Atty. Luke Espiritu kay comedy genius Michael V. o kilala rin bilang Bitoy.Sa isang Facebook post ni Espiritu noong Sabado, ibinahagi niya ang kaniyang reaksiyon sa comedy sketch na ginawa ng Bubble Gang tungkol sa political dynasty.Tampok sa naturang comedy sketch kung paano ang galawan ng mga politikong lumilikha ng sarili nilang...

15 katao nasawi sa pagkalunod sa kasagsagan ng Holy Week—PNP

Nakapagtala ng 18 kaso ng pagkalunod ang Philippine National Police (PNP) kung saan 15 sa kanila ang kumpirmadong nasawi. Ayon sa ulat ng isang lokal na pahayagan nitong Linggo ng Pagkabuhay, Abril 20, 2025, tinatayang nasa siyam na mga biktima ng pagkalunod ang nasa hustong edad habang ang ilan ay mga menor de edad.Ilan sa mga rehiyong nakapagtala ng pagkalunod ay mula sa Rehiyon ng Ilocos,...