Nasakote ang isang babaeng shoplifter sa isang mall sa Hagonoy, Bulacan matapos tila gawing shopping bag ang kaniyang underwear at ilagay rito ang mga ninakaw na paninda gaya ng mga sealant, kutsara, tinidor, at iba pang mga kasangkapan sa bahay.
Sa ulat ng ABS-CBN News, kinapkapan ang babae nang mahuling nagnanakaw ito sa mall. Ayon sa Philippine National Police, miyembro umano ng sindikato ang suspek.
Sa video, makikitang isa-isang inilalabas ng suspek ang mga ninakaw na household items na aabot daw sa halagang ₱12,000. Makikitang dinudukot ng babae ang kaniyang panloob at inilabas mula rito ang mga nabanggit na gamit.
Pahayag ng pulis, napansin daw ng guwardiya ang ginagawa ng babae, at nang imbitahan ito sa opisina, dito na nadiskubre ang mga items na nasa panty ng babae.
Babaeng sumagip ng naaksidenteng aso, patay sa bundol ng van
Katwiran naman ng suspek, biktima rin siya dahil nagawa lang daw niya ang pagnanakaw matapos maloko ng illegal recruiter. Gagamitin daw sana niya ang mga mapagbebentahan para ipambayad sa mga utang niya. Mahaharap daw sa reklamong theft ang babae ayon sa PNP.
