Hindi umano suportado ng Iglesia Ni Cristo ang naging pag-aresto ng International Criminal Court (ICC) kay dating Pangulong Rodrigo Duterte noong Marso 11, 2025.
Sa panayam ng programang “Sa Ganang Mamamayan” ng NET5 kay INC spokesperson Edwin Zabala, iginiit niyang naniniwala umano ang INC sa batas ng Pilipinas kung kaya't hindi umano nila suportado na ang international court ang lilitis sa dating Pangulo.
"We're not saying the former president should not be tried for the accusations against him," ani Zabala.
Dagdag pa niya, "Our stand is that the INC believes in the integrity and capability of our judiciary to decide these matters."
Sen. Robin, napatunayan pagiging ‘maginoo’ ni FPRRD nang bigyan siya ng ‘absolute pardon’
Matatandaang nananatiling nasa kustodiya ng ICC si dating Pangulong Duterte matapos siyang maaresto sa kasong crime against humanity kaugnay ng naging madugo niyang kampanya kontra droga.
KAUGNAY NA BALITA: 'Krimen laban sa sangkatauhan' dahilan ng arrest warrant vs FPRRD – PCO
Samantala, sinabi rin ni Zabala na sapat umano ang batas ng Pilipinas upang malitis si dating Pangulong Duterte sa bansa.
"Whatever is right and whatever is in our laws, that should prevail. This should not be twisted to suit the desire of anyone," ani Zabala.
Dagdag pa niya, ang batas daw ang pundasyon ng bansa na hindi raw dapat isinasantabi.
"The law is the foundation that keeps order in our country. If the law is ignored it leads to disorder, feuds and injustice. That's why we should not surrender our country's sovereignty to others," anang INC spokesperson.
BASAHIN: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD
