Sen. Imee, 'di dadalo sa Alyansa rally; mas importante raw kaso ni FPRRD-Balita

Sen. Imee, 'di dadalo sa Alyansa rally; mas importante raw kaso ni FPRRD

Ipinahayag ni Senador Imee Marcos nitong Biyernes, Marso 21, na hindi siya dadalo sa campaign rally ng senatorial slate ng kaniyang kapatid na si Pangulong Ferdinand “Bongbong” Marcos Jr. sa Cavite dahil mas mahalaga umano ang kaso ni dating Pangulong Rodrigo Duterte.

Sa isang pahayag na inulat ng Manila Bulletin, sinabi ni Sen. Imee na mas importante para sa kaniya ang tutukan ang pag-imbestiga sa naging pag-aresto kay Duterte noong Marso 11 at pagdala sa kaniya sa International Criminal Court (ICC) sa The Hague, Netherlands, kaysa ang pagdalo sa campaign rally ng Alyansa Para sa Bagong Pilipinas nitong Biyernes sa Trece Martires, Cavite.

“Ang mahalaga sa akin ay tutukan ang kaso ng pagtangay sa isang kapwa Pilipino na isinuko ng ating pamahalaan sa isang banyagang institusyon sa ibang bansa,” aniya.

“Sapagka’t sa kabila ng kampanya at pulitika, napakahalaga nito para sa ating mga kababayan, ang ating OFWs at sa ating mga batas.”

“Hindi lang ito tungkol kay dating Pangulong Rodrigo Duterte, tungkol ito sa soberanya ng ating bansa,” saad pa ng senadora.

Matatandaang nitong Huwebes, Marso 20, nang pangunahan ni Sen. Imee, chairperson ng Senate Committee on Foreign Relations, ang pagdinig ng Senado sa naging pag-aresto kay Duterte kung saan iginiit niyang isa umanong “pang-aalipin” ang “hustisyang ipinapataw ng dayuhan.”

MAKI-BALITA: Sen. Imee, tinawag na ‘pang-aalipin’ ang ‘hustisyang ipinapataw ng dayuhan’

Kinuwestiyon din ng senadora kung kailan pa umano naging probinsya ng “The Hague” sa Netherlands, kung saan matatagpuan ang ICC.

MAKI-BALITA: Tanong ni Sen. Imee: 'Pinas, kailan pa naging 'province of the Hague?'

Kasalukuyang nasa kustodiya ng ICC si Duterte matapos siyang arestuhin noong Martes, Marso 11, upang dinggin ang kaso nitong “krimen laban sa sangkatauhan” kaugnay ng madugong giyera kontra droga nito.

MAKI-BALITA: 'Krimen laban sa sangkatauhan' dahilan ng arrest warrant vs FPRRD – PCO

Itinakda ng ICC ang confirmation of charges hearing ng dating pangulo sa Setyembre 23, 2025.

MAKI-BALITA: Confirmation of charges hearing para kay FPRRD, itinakda ng ICC sa Sept. 23, 2025

BASAHIN: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD

Kanlaon, nakapagtala ng 4 volcanic earthquakes – Phivolcs

Nakapagtala ang Bulkang Kanlaon sa Negros Island na apat na volcanic earthquakes sa nakalipas na 24 oras, ayon sa Philippine Institute of Volcanology and Seismology (Phivolcs) nitong Linggo, Marso 23.Base sa 24 oras na pagmamanman ng Phivolcs, nananatiling mataas ang aktibidad ng Kanlaon na nakataas pa rin sa Alert Level 3 (magmatic unrest).Nito lamang Sabado, Marso 22, naglabas ang bulkan ng...

3 weather systems, magpapaulan sa malaking bahagi ng PH – PAGASA

Inaasahang makararanas ng ilang mga pag-ulan ang malaking bahagi ng bansa ngayong Linggo, Marso 23, bunsod ng northeast monsoon o amihan, Intertropical Convergence Zone (ITCZ), at easterlies, ayon sa Philippine Atmospheric, Geophysical and Astronomical Services Administration (PAGASA).Base sa tala ng PAGASA kaninang 4:00 ng madaling araw, inaasahang magdadala ang ITCZ—na tumutukoy sa linya kung...

Sen. Imee, okay lang kahit di binanggit ni PBBM sa campaign rally; tutok kay FPRRD

Wala raw problema kay Senador Imee Marcos kahit hindi siya binanggit ng kaniyang kapatid na si Pangulong Bongbong Marcos sa campaign rally ng Alyansa Para sa Bagong Pilipinas slate sa Trece Martires, Cavite, noong Biyernes, Marso 21.MAKI-BALITA: PBBM, 'di binanggit pangalan ni Sen. Imee sa campaign rally ng AlyansaNangyari ito matapos pangunahan ni Sen. Imee ang pag-imbestiga sa pag-aresto...