Inihayag ng National Police Commission (NAPOLCOM) na pumasok na sa kaniyang trabaho ang viral na pulis at vlogger na kinasuhan ng sedisyon kamakailan ng Quezon City Police District (QCPD).

KAUGNAY NA BALITA: Pulis na pumuna umano sa PNP, PBBM admin, sinampahan ng sedisyon

Ayon kay NAPOLCOM commissioner Vicente Calinisan, kasunod umano ng pagbabalik ni Patrolman Francis Steve Fontillas sa kaniyang trabaho ay nangako rin umano ito na hindi na muling magpo-post sa social media ng “seditious comments.”

“Pat. Fontillas reported to the QCPD yesterday, March 20, 2025. He was crying and extremely apologetic. Fontillas also promised not to post seditious comments and hate speech on his social media pages,” ani Calinisan. 

National

Enrile, 'tinakot' OFWs na sasali sa protestang 'Zero Remittance Week'

Si Fontillas ay miyembro ng PNP at vlogger na naging usap-usapan sa social media kamakailan, matapos ang mga komento niyang direkta umanong pumupuna sa gobyerno sa pamamagitan ng written posts at video sa kaniyang Facebook page. 

Samantala, sa hiwalay na pahayag, iginiit ng QCPD na humingi umano ng tawad si Fontillas sa pagbabalik niya sa trabaho. 

“Patrolman Fontillas expressed his sincere apology and deep regret for his actions when he reported to the Acting District Director, QCPD. He assured that he has learned from this experience and vowed not to repeat such behavior,” anang QCPD. 

Sa kaniyang social media page, nagpasalamat si Fontillas sa PNP at binanggit na sumailalim na rin umano siya sa neuro-psychiatric exam.