Nagsalita na si GMA news anchor Mariz Umali tungkol sa viral video kung saan inakusahan siyang tinawag na "matanda" si dating Executive Secretary Atty. Salvador Medialdea habang nakahiga sa stretcher noong Martes, Marso 18.
Si Mariz ay nasa The Hague, Netherlands upang subaybayan ang mga nagaganap sa labas ng International Criminal Court (ICC) kung saan nakadetine si dating Pangulong Rodrigo Duterte, kaugnay sa kasong "crimes against humanity."
Matatandaang isinakay sa ambulansya si Medialdea matapos daw sumama ang pakiramdam, at sinamahan naman siya ni Sen. Robin Padilla na naroon din sa The Hague.
Sa nabanggit na video, sinabi ng isang vlogger na tila "matanda" raw ang sinabi ni Mariz na tumutukoy kay Medialdea, na ayon kay Mariz, ay tila pumikit daw nang makita siya.
Kris kumambyo, inedit post tungkol sa hiwalayan nila ng ex-jowang doktor
Paliwanag naman ni Mariz sa kaniyang Facebook post, hindi matanda ang sinabi niya kundi "mata niya."
"I wish to address and clarify an inaccurate claim about me that has gone viral regarding a statement I made about Former Executive Secretary Salvador Medialdea," ani Mariz nitong Miyerkules ng gabi, Marso 19.
"A certain vlogger has circulated a post containing my voice, claiming that I referred to Former Executive Secretary Medialdea as 'matanda' while he was on a stretcher. This interpretation is inaccurate. What I actually said was, “Tingnan mo yung ‘mata niya’ (Medialdea), nakabukas siya nung una pero nung nakita niya ako, pinikit.'"
"At that time, I, along with our stringer, was reviewing an exclusive footage of Former Executive Secretary Medialdea being taken out of the penitentiary on a stretcher. My observation was purely about his eyes—how they were initially open but closed upon seeing me during my attempt to interview him."
"It is obvious that I was misheard. I want to be clear that no disrespect was intended toward Former Executive Secretary Medialdea. I hope this clarification helps set the record straight," anang Mariz.
Hindi naman nagsabi si Mariz kung magsasampa ba siya ng reklamo sa vlogger na ginawan siya ng isyu tungkol dito.
