Sen. Imee Marcos, nanawagan ng 'urgent investigation' sa pag-aresto kay FPRRD-Balita

Sen. Imee Marcos, nanawagan ng 'urgent investigation' sa pag-aresto kay FPRRD

Nanawagan ng "urgent investigation" si Senador Imee Marcos sa mga opisyal ng gobyerno hinggil sa pag-aresto kay dating Pangulong Rodrigo Duterte noong Marso 11.

Sa isang pahayag nitong Lunes, Marso 17, nanagawan ang senadora, bilang chairperson ng Senate Committee on Foreign Relations, na imbestigahan ang pag-aresto sa dating pangulo.

Matatandaang noong Marso 11 nang arestuhin si Duterte dahil sa bisa ng arrest warrant ng International Criminal Court (ICC) dahil sa umano’y “krimen laban sa sangkatauhan” kaugnay ng war on drugs ng administrasyon nito.

MAKI-BALITA: 'Krimen laban sa sangkatauhan' dahilan ng arrest warrant vs FPRRD – PCO

"As chairperson of the Senate Committee on Foreign Relations, I am calling for an urgent investigation into the arrest of former President Rodrigo Roa Duterte, an issue that has deeply divided the nation," saad ni Senador Marcos.

"It is imperative to establish whether due process was followed and to ensure that his legal rights were not upheld but protected, especially given the involvement of the International Criminal Police Organization (Interpol) and the International Criminal Court (ICC)," dagdag pa niya.

Inimbitahan ng senadora ang mga opisyal ng PNP, OTS-DOTr, DOJ, DFA, NSC, CAAP, at iba pang resource persons at mga witness upang bigyang-linaw ang naturang isyu.

"The Senate must address these critical concerns to uphold the country’s jurisdiction and to clarify policies governing our law enforcement agencies and their engagement with international tribunals. Our sovereignty and legal processes must remain paramount."

Noong Biyernes, Marso 14, humingi ng paumanhin si Sen. Imee sa mga kababayang Waray dahil hindi raw siya makakadalo sa campaign rally ng Alyansa Para sa Bagong Pilipinas dahil hindi aniya raw matanggap ang nangyari kay Duterte.

MAKI-BALITA: Imee Marcos, 'di raw dadalo sa Alyansa rally dahil hindi matanggap ginawa kay FPRRD?

Kasunod nito ay pinatutsadahan ni dating Chief Presidential Legal Counsel Atty. Salvador Panelo.

MAKI-BALITA: Salvador Panelo, pinatutsadahan si Imee Marcos: 'Bolahin mo lelang mo!'

Kung Babalikan:

Humarap na sa ICC si Duterte noong Marso 14.

Itinakda naman ng ICC ang confirmation of charges hearing sa Setyembre 23, 2025.

BASAHIN: Confirmation of charges hearing para kay FPRRD, itinakda ng ICC sa Sept. 23, 2025

Kamakailan lamang ay inanunsyo ni Vice President Sara Duterte na ang British-Israeli lawyer na si Nicholas Kaufman ang tatayong lead counsel ng kaniyang ama.

BASAHIN: ALAMIN: Sino si Nicholas Kaufman na tatayong lead counsel ni FPRRD sa ICC?

KAUGNAY NA BALITA: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD

Mayor Baste, 'di totoong aarestuhin ng 40 pulis sa Davao

Pinasinungalingan ng Police Regional Office 11 (PRO 11) ang kumakalat na social media posts na umano'y aarestuhin ng mga pulis si Davao City Mayor Sebastian “Baste” Duterte.Kumakalat kasi ang isang social media post na nasa 40 pulis daw ang huhuli sa alkalde ng Davao City.'40 policemen to arrest Mayor Baste Duterte in Davao as per info,' mababasa raw sa kumakalat na post.Hindi...

Sen. Robin, sinabing ilang araw nang 'di natutulog si Atty. Medialdea

Nagbigay ng latest update si Sen. Robin Padilla sa kalagayan ni dating Executive Secretary Atty. Salvador Medialdea nitong Martes, Marso 18, matapos mapaulat na isinakay siya sa ambulansya.Sa video na iniupload ni Padilla, sinabi niyang naitakbo na nila sa ospital si Medialdea, na tumatayong isa sa mga legal counsel ni dating Pangulong Rodrigo Duterte, sa pagharap niya sa kasong 'crimes...

Embahada ng Pilipinas sa The Netherlands, naglabas ng pahayag sa estado ni Medialdea

Naglabas ng pahayag ang Philippine Embassy in The Netherlands tungkol sa kalagayan ni dating Executive Secretary Atty. Salvador Medialdea nitong Martes, Marso 18, matapos mapaulat na isinakay siya sa ambulasya.Mababasa sa kanilang opisyal na Facebook page, 'Atty. Salvador Medialdea went to the ICC Detention Center early this morning, 18 March, for a scheduled visit to former President Rodrigo...