Inulan ng samu't saring reaksiyon ang panayam ni Ultimate Multimedia Star Toni Gonzaga kay Sen. Risa Hontiveros na mapapanood sa kaniyang talk show vlog na "ToniTalks."
Ang nabanggit na panayam ay kaugnay sa pagdiriwang ng Women's Month, na tamang-tama naman dahil si Sen. Risa ang chairperson ng Senate Committee on Women, Children, Family Relations and Gender Equality.
KAUGNAY NA BALITA: Sen. Risa, ininterview ni Toni Gonzaga para sa Women’s Month
Mababasa sa caption ng ToniTalks, "When we talk about empowered women in public service, Sen. Risa often comes to mind for her strong advocacies and firm stance. Recently, I had the opportunity to sit down with her and learn more about her experiences as both a mother and a dedicated public servant."
Keanna Reeves na-in love kay John Prats: 'Lapit nang lapit, kiss nang kiss!'
Napag-usapan naman nina Sen. Risa at Toni sa naturang vlog ang buhay ng senadora bilang isang single mom, sa pagpasok niya sa politika, at bilang kasalukuyang senadora ng bansa na nagsusulong para sa karapatan ng kababaihan.
Natanong din ni Toni ang senadora tungkol sa bali-balitang umano'y pagtakbo niya sa 2028 presidential elections.
KAUGNAY NA BALITA: Toni Gonzaga, inusisa si Sen. Risa hinggil sa pagtakbong pangulo ng PH sa 2028
KAUGNAY NA BALITA: Toni Gonzaga, pinuri si Sen. Risa sa paglaban para tingin niyang ikabubuti ng PH
Agad itong humamig ng samu't saring reaksiyon at komento sa netizens lalo na sa usaping politika.
Si Toni, ay isa sa mga pangunahing endorser ng UniTeam ng kanilang ninong sa kasal ni Direk Paul Soriano na si Pangulong Ferdinand "Bongbong" Marcos, Jr., at Vice President Sara Duterte.
Matatandaang umani ng katakot-takot na pambabatikos at kritisismo mula sa mga netizen, lalo na ang mga "Kakampink," ang hayagang pagsuporta ni Toni sa UniTeam, na naging dahilan pa nga para magbitiw siya bilang main host ng reality show na "Pinoy Big Brother."
MAKI-BALITA: Mariel kay Toni: 'Welcome to the outside world!'
Si Sen. Risa naman ay nasa panig ng oposisyon, at sumusuporta naman sa kandidatura noon nina dating Vice President Leni Robredo at dating Senador Kiko Pangilinan.
Narito ang ilan sa mga reaksiyon at komento ng netizens.
"It is so obvious how much Toni respects SenRi. Toni's body language, paralinguistics (tone,volume,etc.) depicted respect and adoration. I know kahit iba ang political leanings at religious practice ni Toni, she understands the GRAVITY and SERIOUSNESS ng mga ipinaglalaban ni Senri."
"Propesyunal lang talaga si Toni, and nagkataon lang talaga siguro na ninong nila sa kasal ni Direk Paul si BBM kaya sinuportahan nila malamang."
"I love this interview,… I’m not a supporter of sen. risa but now I heard her, her experience and her platforms all I can say is she’s worth the vote,… Walang siraan sa current and past administration,… all is about her kaya I’m convinced,…"
"Respect for Toni, i think she’s indirectly giving hints to her viewers whom she supports. I’ve seen Sen.Kiko and now Risa."
"Ang ganda ng mga tanong tungkol sa politics? Ang layo sa mga inendorse ni toni."
"Anyare, bumaliktad na ba?"
"I like Toni talks but Guys be smart to vote. Wag pairalin maging emotional. Nabudol na tayo minsan."
Sa kaniyang Facebook post ay nagpasalamat naman si Sen. Risa sa panayam sa kaniya ni Toni.
"Toni Talks Women’s Month special… Maraming salamat, Toni Gonzaga, para sa makabuluhang kwentuhan tungkol sa mga iba’t ibang isyu ng ating kababaihan,” saad ni Hontiveros.
