Ibinahagi ni Vice President Sara Duterte na ang British-Israeli lawyer na si Nicholas Kaufman ang tatayong lead counsel ni dating Pangulong Rodrigo Duterte sa kaso nitong “crimes against humanity” sa International Criminal Court (ICC).
Sa isang panayam noong Biyernes, Marso 14, sinabi ni VP Sara na nagkausap na sila ni Kaufman hinggil sa kaso ni FPRRD.
“We have already a lead counsel. We had a meeting with him yesterday. And then we will have a meeting in person when he arrives,” anang bise.
Nagtapos ng abogasya sa University of Cambridge noong 1989, si Kaufman ay isa raw miyembro ng British Bar.
Honeylet naiyak sa ginawa kay FPRRD: 'Kinidnap n'yo siya, wala kaming laban!'
Kasama rin daw siya sa public list of counsels ng ICC.
Bukod kay Kaufman, magiging bahagi rin ng legal team ni FPRRD sina dating executive secretary Salvador Medialdea at dating presidential spokesperson Harry Roque.
Nito lamang ding Biyernes nang humarap si Duterte sa pre-trial hearing ng ICC Pre-Trial Chamber I sa pamamagitan ng video link, kung saan itinakda rito ng ICC ang confirmation of charges hearing para sa dating pangulo sa Setyembre 23, 2025.
MAKI-BALITA: Confirmation of charges hearing para kay FPRRD, itinakda ng ICC sa Sept. 23, 2025
