Pagtatakip sa mukha ni Kim Chiu sa tarp ng bakeshop, umani ng reaksiyon-Balita

Pagtatakip sa mukha ni Kim Chiu sa tarp ng bakeshop, umani ng reaksiyon

Umani ng diskusyunan ang viral video kung saan makikitang tinakpan ang mukha ng "It's Showtime" host na si Kim Chiu sa tarpaulin ng umano'y branch ng isang sikat na bakeshop sa Davao, sa hindi pa malamang dahilan.

Ibinahagi ito sa Facebook post ng isang nagngangalang "Neil Sarao Paigalan."

Subalit sapantaha ng mga netizen, ito ay matapos makuyog si Kim Chiu sa kontrobersiyal niyang opening spiels noong Miyerkules, Marso 12, tungkol sa salitang "Dasurv" habang nakaturo sa camera.

Isang netizen ang nang-away kay Kim at pinaratangan siyang nagpapasaring daw sa inarestong si dating Pangulong Rodrigo Duterte ng International Criminal Court (ICC) sa kasong "crimes against humanity."

Pero paglilinaw ni Kim, binasa lang daw niya ang spiels at wala naman daw siyang pinariringgan.

MAKI-BALITA: Kim pinaratangang nagparinig laban kay FPRRD dahil sa salitang 'Dasurv!'

Agad namang nag-sorry ang netizen sa kaniya.

"Mahalaga po mag #FactCheck bago manghusga at akusahan ang isang tao. Let’s all be responsible citizens. Magtulungan tayo wag magsiraan. God bless po ang lahat," aniya.

Hindi naman nabanggit ni Kim kung may balak siyang magsampa ng reklamo laban sa nabanggit na netizen, kahit na hinihikayat siya ng fans na "magpa-sampol."

MAKI-BALITA: Bintangero nag-sorry: Sey ni Kim, 'Mahalagang mag-fact check bago manghusga!'

Samantala, umani naman ng reaksiyon at komento ang ginawa sa mga tarpaulin ni Kim.

"Property nila yun, they can decide what to do with it "

"Dasurb"

"Kim Chiu dapat nirerespeto sya. D nya deserve nyang gaya ng nangyayari kay tatay digong."

"Masyado naman kasi itong mga De-De-Es makapag-react!"

"Ampalaya bread ba ang tinda nila? Grabeng ka bitteran nyan. If franchise yan or COR store man, lagot sila sa core mgmt."

"Naging mahina na talaga ang comprehension, IQ at EQ ng mga tao ngayon. Oh well baka madala pa sa saboy ng asin."

Samantala, wala pang reaksiyon, tugon, o pahayag si Kim maging ang pamunuan ng It's Showtime tungkol dito.

Mayor Baste, 'di totoong aarestuhin ng 40 pulis sa Davao

Pinasinungalingan ng Police Regional Office 11 (PRO 11) ang kumakalat na social media posts na umano'y aarestuhin ng mga pulis si Davao City Mayor Sebastian “Baste” Duterte.Kumakalat kasi ang isang social media post na nasa 40 pulis daw ang huhuli sa alkalde ng Davao City.'40 policemen to arrest Mayor Baste Duterte in Davao as per info,' mababasa raw sa kumakalat na post.Hindi...

Sen. Robin, sinabing ilang araw nang 'di natutulog si Atty. Medialdea

Nagbigay ng latest update si Sen. Robin Padilla sa kalagayan ni dating Executive Secretary Atty. Salvador Medialdea nitong Martes, Marso 18, matapos mapaulat na isinakay siya sa ambulansya.Sa video na iniupload ni Padilla, sinabi niyang naitakbo na nila sa ospital si Medialdea, na tumatayong isa sa mga legal counsel ni dating Pangulong Rodrigo Duterte, sa pagharap niya sa kasong 'crimes...

Embahada ng Pilipinas sa The Netherlands, naglabas ng pahayag sa estado ni Medialdea

Naglabas ng pahayag ang Philippine Embassy in The Netherlands tungkol sa kalagayan ni dating Executive Secretary Atty. Salvador Medialdea nitong Martes, Marso 18, matapos mapaulat na isinakay siya sa ambulasya.Mababasa sa kanilang opisyal na Facebook page, 'Atty. Salvador Medialdea went to the ICC Detention Center early this morning, 18 March, for a scheduled visit to former President Rodrigo...