Naglabas nang maiksing saloobin ang forensic expert na si Dr. Raquel Fortun hinggil sa naging pagharap ni dating Pangulong Rodrigo Duterte sa International Criminal Court (ICC) noong Biyernes, Marso 14, 2025.
Sa pamamagitan ng X post noong Biyernes, binigyang-diin ni Fortun na imposible umanong makasuhan sa bansa ang dating Pangulong Duterte dahil umano sa mga nagtatanggol sa kaniya.
"Sige mag-ingay pa kayo defending him. Lalong lumalabas na buti na lang may Icc, kasi wala talagang pag-asang kasuhan 'yan sa Pinas," ani Fortun.
Matatandaang si Fortun ang nag-examine sa ilang mga bangkay ng biktima umano ng war on drugs ng dating Pangulo. Ayon sa mga naging pag-aaral noon ni Fortun, napag-alamang, hindi umano magkakatugma ang salaysay na inilalabas noon ng kapulisan hinggil sa kung paano raw nasawi ang mga biktima.
Ex-Pres. Duterte, wala raw tsinelas no'ng dalhin sa Netherlands—Sen. Bong Go
Kaugnay nito, ng kampanya kontra droga, matatandaang noong Marso 11, nang tuluyang maaresto si dating Pangulong Duterte sa bisa ng arrest warrant na inilabas ng ICC hinggil sa kasong crime against humanity.
KAUGNAY NA BALITA: 'Krimen laban sa sangkatauhan' dahilan ng arrest warrant vs FPRRD – PCO
