Hinahanap ni Congressman Paolo "Pulong" Duterte kina Pangulong Bongbong Marcos, PNP chief Rommel Marbil, Gen. Romeo Brawner Jr., at CIDG chief PMGen Nicolas Torre ang kaniyang ama na si dating Pangulong Rodrigo Duterte dahil wala raw ito sa loob ng International Criminal Court (ICC).
"Bongbong, Marbil, Brawner, at Torre at sa lahat [ng] umaresto sa tatay namin, saan tatay namin? Kasi wala sa loob ng ICC," ani Pulong Duterte sa isang Facebook post nitong Biyernes, Marso 14, bandang 7:18 ng umaga.
Noong Huwebes, Marso 13, sinabi ni dating Executive Secretary Salvador Medialdea na wala raw ang dating pangulo sa ICC Detention Center nang subukan umano niya itong bisitahin.
“We are at a loss at this time, and lokohan na ‘to. I think this is part of their grand plan to kidnap the president, to extract from the Philippines and brought to a jet without known destination. I was even forced to join that plane without any valid visa coming here. They are telling me that there is no Rodrigo R. Duterte inside this facility,” saad ni Medialdea sa panayam ng ABS-CBN News.
Mga biktima ng ‘EJK’ sa drug war, dapat ding bigyang-pansin ng mga Pinoy – PCO Usec. Castro
Matapos nito ay kinumpirma ng ICC nasa detention center na nila sa Scheveningen, The Hague, Netherlands si Duterte.
Ayon kay ICC spokesperson Fadi El Abdallah, na-admit ang dating pangulo sa detention center matapos makumpleto ang kaniyang medical check up.
“When a suspect arrives in ICC custody, the Court as standard practice takes measures to protect the health and well-being of the suspect. The Court will announce in due course the schedule for the initial appearance,” ani El Abdallah.
“We recall the importance of respecting the integrity of the judicial process,” dagdag pa niya.
Samantala, wala pang pahayag sina Marcos, Marbil, Brawner, at Torre hinggil sa paghahanap ni Pulong sa kaniyang ama.
Nakatakda naman ngayong Biyernes, Marso 14, ang "initial appearance" ng dating pangulo sa Pre-Trial Chamber I,
BASAHIN: Ex-Pres. Duterte, haharap na sa ICC ngayong Marso 14
