Sen. Bato, emosyunal na nagbigay ng mensahe kay FPRRD: ‘God is watching…’-Balita

Sen. Bato, emosyunal na nagbigay ng mensahe kay FPRRD: ‘God is watching…’

Hindi na napigilan ni Senador Ronald “Bato” dela Rosa na maiyak nang magbigay siya ng mensahe para kay dating Pangulong Rodrigo Duterte na kasalukuyang nasa kustodiya ng International Criminal Court (ICC).

Sa panayam ng programang “At The Forefront” ng Bilyonaryo News Channel nitong Biyernes, Marso 14, hiningian si Dela Rosa ng mensahe para kay Duterte.

Pansamantala naman hindi nakapagsalita ang senador sa kabilang linya ng telepono at saka humingi ng paumanhin at sinabing: “I’m just trying to compose myself.”

Doon ay emosyunal nang nagpaabot ng mensahe si Dela Rosa sa dating pangulo: “Just remember, Sir, what you said before, you're willing to live in hell as long as your people are living in heaven.”

“You must be living in hell right now in ICC but remember the people, yung mga taong pinaganda mo ang buhay, kasama na ako doon,” dagdag niya.

Binanggit din ni Dela Rosa na “nanonood ang Diyos” at malalagpasan din daw nila ang mga kinahaharap nila ngayon.

“Huwag mong kalimutan, God is watching. We will overcome all these crises that we are now facing,” ani Dela Rosa.

“Hindi lang naman ikaw ang nasasaktan ngayon, buong Pilipinas. Kung makita mo yung expression of support, yung rally kaliwa-kanan, candle lighting kahit saan, anong lugar, makikita mo kung gaano nila ka-love si Pangulong Duterte,” saad pa niya.

Matatandaang noong Martes, Marso 11, nang arestuhin si Duterte dahil sa bisa ng arrest warrant ng ICC dahil sa umano’y “krimen laban sa sangkatauhan” kaugnay ng drug war.

MAKI-BALITA: 'Krimen laban sa sangkatauhan' dahilan ng arrest warrant vs FPRRD – PCO

Nakatakda naman ang "initial appearance" ng dating pangulo sa Pre-Trial Chamber I ng ICC dakong 9:00 ng gabi (Manila Time) nitong Biyernes.

Samantala, matatandaang noong Miyerkules, Marso 12, nang sabihin ni Dela Rosa–ang hepe ng Philippine National Police (PNP) nang iimplementa ang drug war sa bansa–na nakahanda raw niyang samahan si Duterte sa ICC.

MAKI-BALITA: Sen. Bato, binasag na katahimikan: 'Ready to join the old man!'

Noong 2024 nang isiniwalat ni human rights lawyer Chel Diokno na 20,322 drug suspects umano ang napatay sa giyera kontra droga sa bansa mula lamang Hulyo 2016 hanggang Nobyembre 2017, base sa 2017 year-end accomplishment report ng Office of the President (OP) sa ilalim ng administrasyong Duterte.

MAKI-BALITA: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD

Medialdea, iginiit sa ICC na ‘kidnapping’ nangyaring pag-aresto kay FPRRD

Iginiit ni dating Executive Secretary Salvador Medialdea sa International Criminal Court (ICC) na “pure and simple kidnapping” umano ang nangyari kay dating Pangulong Rodrigo Duterte nang arestuhin ito at pasakayin sa private aircraft mula sa Pilipinas papuntang The Hague, Netherlands.Sa kaniyang manifesto nang dumalo sa courtroom ng ICC Pre-Trial Chamber I bilang legal counsel ni Duterte sa...

Robredo, inihambing naging sitwasyon ni De Lima at FPRRD: 'First step towards accountability and justice'

Inihambing ni dating Vice President Atty. Leni Robredo ang naging sitwasyon ni dating senador Atty. Leila de Lima sa umano’y isyu at usapin ng due process, hinggil sa naging pag-aresto kay dating Pangulong Rodrigo Duterte sa bisa ng arrest warrant ng International Criminal Court (ICC). KAUGNAY NA BALITA: 'Krimen laban sa sangkatauhan' dahilan ng arrest warrant vs FPRRD – PCOSa...

Lalaking kulang umano ng pang-tuition, nangholdap at nanggahasa!

Pinagnakawan at saka ginahasa ng 21-anyos na lalaki ang isang babae sa Cebu City, matapos siyang magpanggap na habal-habal driver ng motorsikolong ipina-book ng biktima.Ayon sa ulat ng GMA Regional TV, nangyari ang krimen noong madaling araw ng Marso 13, 2025, kung saan pauwi na dapat ang biktima mula sa kaniyang trabaho. Lumalabas sa imbestigasyon na nagpanggap lang daw na iihi ang suspek nang...