Nagbigay ng pahayag ang human rights lawyer at Akbayan Party-list 1st nominee na si Atty. Chel Diokno kaugnay sa umano’y pagkaaresto kay dating Pangulong Rodrigo Duterte.
Sa Facebook post ng Akbayan Party-list nitong Martes, Marso 11, sinabi ni Diokno na bagama’t isang “critical step towards justice” ang umano’y pagkaaresto sa dating pangulo, malayo pa raw ang tatahaking laban.
“His allies will attempt to shield him, manipulate the system, and derail the process. The government must guarantee full protection for the witnesses and victims’ families, who are now at risk of retaliation,” saad ni Diokno.
Kaya panawagan niya sa bawat Pilipino, “Let’s make sure Duterte doesn’t just run out of hiding places—let’s run him straight into the arms of justice.”
PBBM, itinangging 'political persecution' pag-aresto ng ICC kay FPRRD
“The road to accountability is long, but today, it just got a little shorter,” dugtong pa niya.
Matatandaang kinumpirma na ng Malacañang nito ring Martes na natanggap na raw ng INTERPOL Manila ang opisyal na kopya ng warrant of arrest mula sa ICC laban kay Duterte.
MAKI-BALITA: FPRRD, sinilbihan na ng warrant of arrest ng ICC — Malacañang
