Nagpahayag ng pagkatuwa si dating Senador Leila de Lima sa pagsilbi ng International Criminal Court (ICC) ng arrest warrant laban kay dating Pangulong Rodrigo Duterte kaugnay ng madugong giyera kontra droga ng administrasyon nito.

Sa isang pahayag nitong Martes, Marso 11, sinabi ni De Lima na personal para sa kaniya ang naturang pagkaaresto kay Duterte dahil sa nangyari sa kaniyang pagkakulong matapos daw siyang akusahan ng administrasyon nito.

“This is deeply personal for me. For almost seven years, I was imprisoned on fabricated charges, accused of crimes I did not commit—all because I dared to speak out against Duterte’s drug war. While I was behind bars, thousands of Filipinos were killed without justice, their families left to grieve with no answers, no accountability,” ani De Lima.

Kaninang 9:20 ng umaga nang dumating si Duterte sa Ninoy Aquino International Airport (NAIA) mula sa Hong Kong, at saka siya dinala ng mga awtoridad sa Villamor Air Base matapos siyang silbihan ng warrant of arrest mula sa ICC para sa umano’y “krimen laban sa sangkatauhan.”

National

ALAMIN: Ang posibleng detention center ni FPRRD sa ICC

MAKI-BALITA: FPRRD, sinilbihan na ng warrant of arrest ng ICC — Malacañang

Kaugnay nito, binanggit ni De Lima na hindi raw sasagot si Duterte sa kaniya, kundi sa mga biktima ng war on drugs na piniling “huwag makalimot.”

“Today, Duterte is being made to answer—not to me, but to the victims, to their families, to a world that refuses to forget. This is not about vengeance,” anang dating senador. “This is about justice finally taking its course.”

“I faced my case, knowing I was innocent. I stood before the courts because I had nothing to hide. Duterte now has to answer for his actions, not in the court of public opinion, but before the rule of law. This is how justice should work—those in power must be held to the same standards as everyone else.

“To those who have fought this long and difficult fight—your voices mattered, your courage mattered, and today, the pursuit of justice continues,” saad pa niya.

Matatandaang nagsampa ang administrasyong Duterte ng tatlong drug-related charges laban kay De Lima, na naging hayagang kritiko ng nasabing war on drugs sa bansa.

Matapos ang halos pitong taong pagkakakulong, ibinasura ng korte ang lahat ng tatlong kaso laban sa dating senador.

MAKI-BALITA: Leila de Lima, pinawalang-sala sa huling drug case