Sinabi umano ng tumatayong legal counsel ni dating Pangulong Rodrigo Duterte na si dating labor secretary Silvestre Bello III, na dadalhin sa Veterans Memorial Medical Center ang dating pangulo.
Sa ulat ng Teleradyo Serbisyo, kinumpirma umano ni Bello III na dadalhin sa nabanggit na ospital sa Quezon City ang dating pangulo, mula sa Villamor Air Base sa Pasay City.
Saad pa, may puting truck na raw sa labas ng ospital kung saan makikita ang ilang miyembro ng kapulisan na aabot sa higit 20.
Sinubukan umanong hingan ng pahayag ang ilang pulis subalit tumanggi silang magbigay ng tugon.
Sen. Go sa pag-aresto kay ex-Pres. Duterte: 'Ginawa ni Tatay Digong ang lahat'
Samantala, sa Instagram story ng dating presidential daughter na si Veronica "Kitty" Duterte," makikita ang sulat ng doktor sa dating pangulo.
"We are being illegally detained at 250th Presidential Airlift Wing Col. Jesus Villamor Air Base Pasay City. They aren't allowing my dad to seek the medical attention he badly needs," saad ng dating presidential daughter.
MAKI-BALITA: Ex-Pres. Duterte, hindi umano pinahintulutan sa kaniyang medical procedure
