Hindi pinalagpas ng social media personality na si Whamos Cruz ang ilang mga basher ng kaniyang Facebook post sa paghahanap niya ng videographer at editor noong Marso 6.
Mababasa sa kaniyang post na naghahanap siya ng videographer at editor na may range na sahod na ₱20,000 to ₱30,000.
Bukod dito, sana raw may pasaporte na para makasama sa ibang bansa. Sagot na rin daw niya ang tulugan at pagkain.
"LOOKING VIDEOGRAPHER EDITOR STAY IN NEED KO20K to 30KSAHOD YUNG MAY PASSPORT NADIN PARA MAKA SAMA SA MGA TRAVEL SA IBANG BANSASAGOT KO TULUGAN AT PAGKAINYUNG PANG LONGTERM AT MAGALING MAKISAMA," aniya.
Pasuweldo ni Whamos sa pinapahanap na videographer, editor umani ng reaksiyon
Umani naman ito ng iba't ibang reaksiyon at komento mula sa netizens. May mga nagsasabing masyado raw "barat" ito at maliit, subalit may mga nagtanggol din kay Whamos at sinabing kung ayaw nila sa pasahod at benepisyong makukuha, huwag mag-aplay.
Aware naman si Whamos sa mga negatibong komento tungkol dito kaya nagpakawala siya ng Facebook post noong Marso 8.
"LOOKING VIDEOGRAPHER AT EDITOR 500k to 1M ADAY ONES AWEEK POST SA YOUTUBE KO MERON BA JAN SAGOT KON PAGAWA NG BAHAY NYO AT PAG KAIN NG BUONG FAMILYA NYO PAG MAY PASS PORT KA SAGOT KONA TRAVEL MO ARAW ARAW IBAT IBANG BANSA ANG PUPUNTAHAN MO," aniya.
"GANYAN BA DAPAT ANG POST KO SA PAG HAHANAP KO NG EDITOR AT VIDEOGRAPHER PARA SA MGA PRO JAN PASENSYA NA KUNG MABABA AHH DIKO NAMAN KASE SINABING PRO AT KAILANGAN GAMIT NILA.
MERON AKONG SARILING GAMIT CAMERA ILAW ETC."
"DIKO KAILANGAN NG TULAD NYONG PRO ANG KAILANGAN KO MARUNONG AT MAGALING DIN KAHIT PAPAANO AT MARUNONG MAKISAMA DAHIL IBA KAME MAKISAMA SA MGA EDITOR NAMEN PARANG FAMILYA NADIN NAMEN ANG TURING SA KANILA DILANG BASTA EDITOR AT VIDEOGRAPHER."
"GRABE YUNG IBANG EDITOR DITO PAMANG INSULTO KAAGAD DI PANGA NILA AKO NASUSUBUKAN HAYS
GOODBLESS NALANG SA INYO," aniya pa.
MAKI-BALITA: Pasuweldo ni Whamos sa pinapahanap na videographer, editor umani ng reaksiyon
