Pinasalamatan ng actress na si Barbie Imperial si First Lady Liza Araneta-Marcos matapos siyang imbitahan sa Manila International Film Festival na ginanap sa Los Angeles, California, US.
Makikita sa kaniyang Instagram post ang mga larawan nila ni FL Liza matapos niyang magpasalamat sa imbitasyon sa kaniya sa thanksgiving dinner para sa nabanggit na film festival.
"an unforgettable evening of gratitude and celebration! honoring the incredible directors, actors, and talents behind the filipino film industry. thank you madam first lady @lizamarcos for inviting me. truly an unforgettable night," ani Barbie.
Pero bukod sa mga larawan nila ng First Lady, ibinida rin ni Barbie ang mga larawan nila kasama ang iba pang celebrities gaya nina Kim Chiu, Lorna Tolentino, KaladKaren, Alexa Miro, FranSeth (Francine Diaz at Seth Fedelin), John Arcilla, at iba pa.
