Naging emosyunal si "Parokya ni Edgar" lead vocalist Chito Miranda sa mensahe niya para sa misis niyang si Neri Miranda sa renewal of vows nila kamakailan.
Tamang-tama kasi ito matapos na ibasura ng korte ang syndicated estafa na isinampa laban kay Neri, na naging dahilan pa para makulong siya at pansamantalang nakalaya matapos makapagpiyansa.
Sa mga video at photo na ibinahagi ng Nice Print Photo, makikitang kapwa emosyunal sina Chito at Neri lalo na sa kanilang mensahe sa isa't isa.
Nakakaantig din ang kanilang caption, "Sinubok ng panahon, and their vows from ten years ago stays most true most specially now Happy 10th year Chito and Neri! Your love is inspiring, so genuine and true."
Bugoy Cariño, ikinasal na kay EJ Laure!
"@chitomirandajr and @mrsnerimiranda 'to have and to hold from this day forward, for better, for worse, for richer, for poorer, in sickness and in health, until death do us part. To love and to honor each other all the days of our lives.'"
Makabagbag-damdaming mensahe naman ni Chito, "Ok lang na medyo na-delay...ang importante, natuloy."
"Hindi naman tayo nagmamadali."
"I'm not going anywhere, at habambuhay naman tayo magsasama. Hinding-hindi kita papabayaan."
"Happy 10th anniversary, asawa ko."
"Tag team partners for life.."
Matatandaang naglabas din ng pahayag si Chito sa pagkakabasura sa kaso ni Neri.
“Thank You, Lord.Mabuti nalang talaga na alam ni Lord ang buong katotohanan kaya never Nya pinabayaan si Neri,” saad ni Chito.
