Inalala ni comedy genius Michael V. o kilala rin bilang ‘Bitoy’ si master rapper Francis Magalona sa death anniversary nito.
Sa isang Facebook post ni Bitoy noong Huwebes, Marso 6, ibinahagi niya ang kuwento ng tattoo niyang three stars and a sun sa kaniyang likod.
“16 years ago and 3 days after Kiko passed away, I did something na hindi kasama sa mga plano ko sa buhay. I have nothing against tattoos except for the part na masakit pala s’ya,” saad ni Bitoy.
“Pero minsan,” pagpapatuloy niya, “mas okey na ‘yung sakit na alam mo ang pinanggalingan kesa du’n sa bigla mo na lang mararamdaman.”
Pag-amin ni Klarisse De Guzman: 'I'm not straight, I am bi!'
Dagdag pa ng comedy genius, “FrancisM will live through his music. Everytime you listen to any of his songs, his memory will last a lifetime.”
Matatandaang pumanaw si Francis M. noong 2009 sa edad na 44 dahil sa sakit na Acute myeloid leukemia.
