Sumakabilang-buhay na ang ama ng aktres na si Angel Locsin, na si Angel M. Colmenares, sa gulang na 98.
Ayon sa ulat ng ABS-CBN News, sa pamamagitan ni MJ Felipe, yumao ang ama ni Angel noong Miyerkules, Marso 5, batay sa kumpirmasyon ng pamilya.
Hindi naman idinetalye ang dahilan ng pagkamatay ng ama ni Angel.
Nakikiusap umano ang pamilya ni Colmenares sa kanilang privacy, at nagpasalamat naman sa mga nagpadala ng mensahe at pakikiramay sa kanila.
Michael Sager, Emilio Daez nagpaalam na sa Bahay ni Kuya
Samantala, sa verified Facebook page naman ni Angel, makikita ang simpleng tribute para kay Colmenares.
"We love you, Daddy Angel. Forever in our hearts," mababasa rito.
Pinalitan din ng profile photo ang FB page, na kuha mula sa kasal nina Angel at mister na si Neil Arce.
Hindi naman sigurado kung si Angel ba mismo ang nag-post nito. Matatandaang matagal nang nasa showbiz at social media hiatus si Angel, matapos ang presidential elections noong 2022, hanggang sa kasalukuyan.
Kamakailan lamang ay na-hack ang X account ni Angel at bahagya siyang nagparamdam sa social media, matapos niyang sabihing naibalik na sa kaniyang kontrol ang account.
Samantala, wala pang post o opisyal na pahayag ang kampo ni Angel tungkol sa mga detalye ng burol.
MAKI-BALITA: Tatay ni Angel Locsin, pumanaw na
