Rep. Ace Barbers, sinampahan ng patong-patong na kaso ng 'vloggers'-Balita

Rep. Ace Barbers, sinampahan ng patong-patong na kaso ng 'vloggers'

Patong-patong na kaso ang isinampa ng tinawag na "DDS vloggers" kay Surigao Del Norte 2nd District Rep. Robert Ace Barbers ngayong Miyerkules, Marso 5, 2025.

Makikita sa Facebook post ng isa sa mga nagsampa ng kaso na si Atty. Trixie Cruz-Angeles ang larawan nila ng ilang social media influencers habang nasa Quezon City Prosecutor's Office.

Kasama ni Cruz-Angeles sa larawan sina Dr. Lorraine Badoy, Joie De Vivre, MJ Quiambao Reyes, Mark Anthony Lopez, Cathy Binag, at iba pa.

Ang dahilan daw ng pagsasampa ng kaso ay direktang pag-akusa umano sa kanila ni Barbers na "narco vloggers" at may kaugnayan umano sa Philippine Offshore Gaming Operator (POGO).

Sa panayam naman ng SMNI News kay Atty. Cruz-Angeles, sinabi niyang isa sa mga epekto ng umano'y pagdawit sa kanila sa POGO at ilegal na droga ay may kasamang pangamba para sa kanilang mga mahal sa buhay.

"Siyempre may kasama na diyang pangamba, sleepless nights, nag-aalala sa mga kamag-anak, sa mga pamilya, sa lagay namin, sa trabaho ng ilang mga nandito, and as well to our social media accounts. May iba sa amin monetized na 'yong social media, may danger na matanggal 'pagka may fake news. So ito nga po, 'yong pagko-connect na walang kabasehan talaga, isa sa mga basehan ng pag-file ng kaso sa araw na ito," aniya.

Matapos ang pagsasampa ng kaso ay nagdaos sila ng media conference sa isang restaurant sa Diliman, Quezon City.

Kamakailan lamang, ibinahagi naman nila ang lumabas na kautusan ng Korte Suprema na magkomento ang ilang mga miyembro ng House of Representatives sa inihain nilang "Petition for Certiorari and Prohibition" laban sa kanila.

Kaugnay ito sa hindi umano pagsipot ng mga tinawag na "vloggers" sa isinagawang pagdinig ng Tri-Committee na binubuo ng Public Order and Safety; Public Information; at Information and Communications Technology matapos idawit sa isyu ng "fake news."

Isa sa mga pinagkokomento ng SC si Barbers, kasama pa sina House Speaker Martin Romualdez, ang mga chairperson ng tatlong komite na sina Rep. Dan Fernandez, Rep. Tobias Tiangco, at Rep. Jose Aquino II.

MAKI-BALITA: Mga solon na nagpatawag sa 'vloggers' inutusan ng Korte Suprema na magkomento sa petisyon nila

Samantala, wala pang tugon, reaksiyon, o pahayag si Rep. Barbers tungkol dito.

Kanlaon, 2 beses nagbuga ng abo!

Dalawang beses na nagbuga ng abo ang Bulkang Kanlaon sa nakalipas na 24 oras, ayon sa Philippine Institute of Volcanology and Seismology (Phivolcs) nitong Linggo, Marso 6.Base sa inilabas na ulat ng Phivolcs, tumagal ang naturang pagbuga ng abo ng Kanlaon ng isa hanggang siyam na minuto.Bukod dito, naitala ang tatlong volcanic earthquakes sa bulkan at naglabas din daw ito ng 2,574 tonelada ng...

DepEd, sinabing puwedeng ma-adjust iskedyul ng mga klase dahil sa init

Inihanda na raw ng Department of Education (DepEd) ang solusyon nito upang maiwasan na ang halos sunod-sunod na suspensyon ng mga klase dahil sa nararanasang heat index o sobrang init ng panahon dulot ng pagpasok ng dry season.Ayon sa ipinadalang mensahe sa GMA Integrated News, ipinahayag umano ni DepEd Sonny Angara na ilang paaralan na ang nagsimulang gawing 6:00 hanggang 10:00 ng umaga ang mga...

Amihan, nakaaapekto sa Extreme Northern Luzon; easterlies naman sa mga natitirang bahagi ng PH

Inihayag ng Philippine Atmospheric, Geophysical and Astronomical Services Administration (PAGASA) ngayong Huwebes, Marso 6, na ang northeast monsoon o amihan ang kasalukuyang nakaaapekto sa Extreme Northern Luzon habang ang easterlies naman sa mga natitirang bahagi ng bansa.Base sa tala ng PAGASA, inaasahang magdudulot ang easterlies, o ang mainit na hanging nangmumula sa karagatang Pasipiko, ng...