Niyanig ng 5.4-magnitude na lindol ang probinsya ng Davao del Sur dakong 9:42 ng umaga nitong Martes, Marso 4, ayon sa Philippine Institute of Volcanology and Seismology (Phivolcs).
Base sa tala ng Phivolcs, tectonic ang pinagmulan ng lindol.
Namataan ang epicenter nito 2 kilometro ang layo sa timog-kanluran ng Matanao, Davao del Sur, na may lalim na 10 kilometro.
Naitala ang Instrumental Intensities sa mga sumusunod na lugar:
Akbayan, nais ideklara ang Marso bilang ‘Bawal Bastos Awareness Month’
Intensity V - Matanao, at Magsaysay, DAVAO DEL SUR
Intensity IV - Kidapawan City, COTABATO; Malungon, SARANGANI; Tampakan, at Tupi, SOUTH COTABATO
Intensity III - Magpet, COTABATO; DAVAO CITY, DAVAO DEL SUR; CITY OF GENERAL SANTOS, at Banga, SOUTH COTABATO; President Quirino, at Columbio, SULTAN KUDARAT
Intensity II - Pikit, COTABATO; Jose Abad Santos, DAVAO OCCIDENTAL; Kiamba, SARANGANI; Suralla, Norala, Santo Nino, at T'Boli, SOUTH COTABATO; Lambayong, at Isulan, SULTAN KUDARAT
Intensity I - Don Marcelino, DAVAO OCCIDENTAL; Nabunturan, DAVAO DE ORO; Lake Sebu, SOUTH COTABATO; Esperanza, Kalamansig, at Bagumbayan, SULTAN KUDARAT
Pinag-iingat ng Phivolcs ang mga residente sa mga kalapit na lugar sa posibleng aftershocks ng lindol.
Inaasahan din daw na magdudulot ng pinsala ang nasabing pagyanig.
