Bukod sa apelang mag-educate sa kabataan para sa mga bagay na kapaki-pakinabang sa bansa, bahagi rin ng panawagan ng DJ at TV personality na si DJ Chacha sa online influencers na gamitin ang platforms nila para turuan ang mga tao, partikular na ang kabataan, sa tamang pagpili ng mga kandidatong iboboto nila sa nalalapit na halalan.
Mababasa sa kaniyang Facebook post noong Sabado, Marso 1, ang kaniyang mensahe sa online influencers, na patok na patok ngayon sa social media.
"Sa mga online influencer na kadalasan pinanonood ng mga kabataan, tulungan po nating i-educate sila sa mga bagay na hindi nila alam," aniya.
"Mga bagay na kapaki-pakinabang sa bansa. Make it fun & creative. Use your platform not just to entertain but also to educate."
Ara Mina, trending dahil sa reaksiyon sa hirit na joke ng kumakandidatong solon
Sa pagpapatuloy pa ng ka-tandem ni Ted Failon sa "Failon Ngayon" sa TV5, "Hindi natatapos sa loob ng bahay at sa paaralan lang ang edukasyon. Hindi natin dapat iwan ang pagtuturo sa mga magulang at mga teacher. Young people spend a lot of time online, therefore social media influencers play a large role in shaping the youth.
"Malapit na ang halalan, use your platform para ituro sa kanila ang tamang pagpili ng mga kandidatong iboboto," giit pa ng TV personality.
Sa darating na Mayo ay magaganap na ang National and Local Elections (NLE).
KAUGNAY NA BALITA: DJ Chacha umapela sa influencers, mag-educate ng kabataan
