Pinabulaanan ni stand-up comedian Alex Calleja ang paratang ng ilan na pakulo lang umano ang isyu ng car wash joke.
Sa latest episode kasi ng vlog ni Kapamilya broadcast-journalist Bernadette Sembrano nitong Linggo, Marso 2, sinabi ni Alex na nakatulong daw ang isyu nila ni comedy writer Chito Francisco para mapahaba ang interes ng madla sa kaniyang stand-up comedy special na “Tamang Panahon” sa Netflix.
“Kung titingnan mo ngayon, parang bad publicity kasi pinagbintangang nagnakaw ako. No’ng inayos ko siya, nakatulong siya para ma-prolong pa lalo ‘yong inetres ng tao. Now I’m looking at it in a good way,” lahad ni Alex.
Dagdag pa niya, “Maraming nagkakalat ngayon na tsismis na ‘Pakulo lang ni Alex ‘yan. Magkakilala ‘yan saka si Chito.’ Hindi ko po siya kilala.”
Pag-amin ni Klarisse De Guzman: 'I'm not straight, I am bi!'
Gayunman, kinikilala raw ni Alex ang isyu nila ni Chito na isa sa mga naging salik para umingay ang kaniyang show.
“Walang plano ko ‘yon. Kahit no’ng presscon kasi dahil do’n sa isyu na ‘yon, na na-justify naman namin,” aniya.
Sa ngayon, sarado na ang isyu ng dalawa. Humingi na ng tawad si Chito sa pinsalang nagawa niya kay Alex na tinanggap din naman agad ng huli.
MAKI-BALITA: Chito Francisco, nag-sorry kay Alex Calleja
MAKI-BALITA: Legal counsel ni Alex Calleja, sumagot sa public apology ni Chito Francisco
