Kinumpirma ni VMX actor Rash Flores na siya talaga ang lalaking tampok sa isang kumakalat na s*x video na ibinebenta umano sa mataas na halaga.
Sa ulat ng Philippine Entertainment Portal (PEP) noong Huwebes, Pebrero 27, ibinahagi ni Rash kung paano humantong sa pagkalat ang nasabing video.
“Inimbitahan lang ako ng girl, nag-chat siya sa akin [sa social media]. Matagal na po ‘yong video na yan, March of last year, tapos inilabas nila nung December 2024,” saad ni Rash.
Ayon sa aktor, bagama’t hindi na niya raw matandaan ang pangalan ng babae, naaalala naman daw niya ang hitsura nito.
Sharon kung bakit 'di dumadalo sa ABS-CBN Ball: 'I was always so fat!'
“Sakto lang po ang hitsura niya. Mas matanda siya sa akin, parang thirty years old na siya," aniya.
Nangyari umano ang pagkikita nila sa isang hotel sa Quezon City at kalauna’y nauwi sa pagtatalik. Ito raw ay noong mga panahong may problema siya.
"As in hindi niya sinabi na may [hidden camera]. Hindi ko expected na may ganoon. Hindi rin ako sure kung siya ang nagkalat ng video o ibinenta niya,” lahad ni Rash.
Dagdag pa niya, "May iba na kasing nagkakalat ngayon, may nag-send sa akin ng pangalan at GCash number ng nagbebenta. Ang mahal po ng presyo nila.”
Lubhang pinagsisisihan daw ng aktor ang nangyari. Dahil yon sa kaniya, hindi raw niya ito sinadya para lang makakuha ng kasikatan.
Kaya naman gusto raw niya talagang linisin ang pangalan niya. Sa ngayon, pinag-iisipan na raw niyang gumawa ng hakbang upang matukoy kung sino ang nasa likod ng pagpapakalat ng maselan niyang video.
