Ibinahagi ng aktres na si Heaven Peralejo ang payo sa kaniya ng tita niyang si Rica Peralejo tuwing nagkikita sila sa reunion.

Sa latest episode kasi ng “Fast Talk with Boy Abunda” noong Huwebes, Pebrero 27, nabanggit ni Boy na naalala raw niya si Heaven kay Rica in terms of career path.

“Ang sinasabi niya every time na nagre-reunion kami—actually recently nagkita lang kami—sabi niya, ‘Naku, ‘wag kang magse-sexy, ha,’” lahad ni Heaven.

“Bakit daw?” usisa ni Boy.

Relasyon at Hiwalayan

Aljur present sa pagtanggap ng awards ng mga anak; Kylie, nagpasalamat

“Hindi na daw kailangan,” sagot ng aktres. “‘Wag na. Maganda na ‘yong career mo.’ Sabi ko, totoo naman. Wala naman po, wala naman akong plano.”

Gayunman, aware daw si Heaven na sexy ang dating niya.

“I actually embrace it. Masabihan kang sexy, Tito Boy. Of course, thank you!” aniya.

Matatandaang si Rica ay minsan na ring gumanap sa mga paseksing pelikula tulad ng “Hibla,” “Balahibong Pusa,” “Dos Ekis,” at “Banyo Queen.”