FlipTop emcee, pumanaw na matapos makipag-battle sa matinding sakit

By Ralph Mendoza

February 28, 2025

In BALITA

Namaalam na ang rapper at FlipTop emcee na si Romano Trinidad sa edad na 28 matapos makipaglaban sa matinding sakit.

Sa official website ng FlipTop Battle League noong Huwebes, Pebrero 27, kinumpirma nila na totoo ang balitang pumanaw na si Romano.

“Oo, totoo ang balita. Ngayon araw (ika-27 ng Pebrero 2025) ay pumanaw na ang FlipTop emcee na si Romano,” saad ng FlipTop.

Dagdag pa nila, “Ito ay dahil sa isang malubhang sakit pero ganunpaman ay hindi basta-basta sumuko si Romano. Nilabanan niya ito nang ilang linggo! Patunay na hindi lang siya sa battle rap malakas. Kami ay taos pusong nakikiramay sa mga naiwan niyang mahal sa buhay.”

Base sa ulat, nagkaroon umano ng stage 4 liver cancer si Romano.

Matatandaang unang sumampa sa entablado ng FlipTop si Romano noong 2014 at nakilala sa agresibong presensya niya sa battle.

Kalaunan, naging finalist siya ng Isabuhay Tournament 2015 at semi-finalist naman sa Dos Por Dos Tournament 2017 kasama ang kagrupo niya sa 3GS at kapuwa taga-Cabanatuan na si J-King.

ITCZ, easterlies, patuloy na nakaaapekto sa PH

Patuloy pa rin ang epekto ng weather systems na Intertropical Convergence Zone (ITCZ) at easterlies sa bansa ngayong Sabado, Abril 26, ayon sa Philippine Atmospheric, Geophysical and Astronomical Services Administration (PAGASA).Sa tala ng PAGASA kaninang 4:00 ng madaling araw, inaasahang magdadala ang ITCZ—na tumutukoy sa linya kung saan nagtatagpo ang hangin mula sa northern at southern...

4.4-magnitude na lindol, tumama sa Sultan Kudarat

Isang 4.4-magnitude na lindol ang tumama sa Sultan Kudarat nitong Sabado ng madaling araw, Abril 26, ayon sa Philippine Institute of Volcanology and Seismology (Phivolcs).Base sa tala ng Phivolcs, nangyari ang lindol na tectonic ang pinagmulan dakong 4:47 ng madaling araw.Namataan ang epicenter nito 36 kilometro ang layo sa hilagang-kanluran ng Lebak, Sultan Kudarat, na may lalim na 10...

Mayor Honey Lacuna, inisyuhan din ng show-cause order dahil sa umano’y vote-buying, ASR

Hinainan ng Commission on Elections (Comelec) ng show-cause order ang reelectionist na si Manila Mayor Honey Lacuna dahil sa umano’y vote-buying at abuse of state resources (ASR) nitong Biyernes, Abril 25, isang araw matapos ding isyuhan ang mga katunggali niyang sina dating Manila Mayor Isko Moreno at Sam Versoza.Ito ay base sa pinakahuling listahan ng Comelec na inilabas nitong Biyernes, kung...