Nagsasagawa na ng imbestigasyon ang Baguio Flower Festival Foundation Inc. (BFFFI) hinggil sa mga politikong tila pinulitika umano ang pagdalo sa Panagbenga festival.
Sa isinagawang "Kapihan sa Baguio," noong Miyerkules, Pebrero 26, 2025, sinabi ni BFFFI chairperson Atty. Mauricio Domogan na lahat umano ng nakilahok sa naturang parada ay sinabihan hinggil sa kanilang polisiya.
"All the participants were registered, permitted and allowed to join on condition that they follow the rules. They know we have rules so they were expected to respect our rules as we respect them," ani Domogan.
Matatandaang isa si reelectionist Senator Imee Marcos sa mga poliktong dumalo sa naturang selebrasyon sa Baguio.
Lalaking nanggahasa umano ng dalawang menor de edad, timbog!
Iniimbestigahan na rin ng BFFFI ang umano'y hindi awtorisadong pagsama ng float ni Sen. Imee sa parada. Gayundin ang umano'y pamamahagi ng ilang campaign materials para kay Sen. Lito Lapid mula sa isang float participants.
"They used their campaign colors and jackets and distributed campaign materials," saad ni Panagbenga Executive Committee co-chairman and Baguio Country Club (BCC) General Manager Anthony de Leon.
Dagdag pa niya, "They will be banned from participating, election year or not."
Samantala, marami din umano ang hindi natuwa sa social media influencer at Vendo's party-list 4th nominee na si "Diwata," matapos umano ang pagsuot nito ng tradisyonal na damit ng Indigenous People (IPs).
