Mukhang napa-"spill the tea" ang dating actor-turned-rapper na si Carlos Agassi tungkol sa dahilan ng pagkaka-disband ng grupong "The Hunks."
Ang The Hunks ay all-male group noon ng ABS-CBN na kinabibilangan nina Piolo Pascual, Diether Ocampo, Bernard Palanca, at Jericho Rosales.
Isang netizen kasi ang nagtanong sa kaniya, "Nagkikita pa ba kayo ng dati mong kagrupo na The Hunks?”
Prangkang tugon ni Amir, "Guys, kaya nga nabuwag kasi gusto ng kaniya-kaniyang career ng iba. Kasi, ‘pag group, pantay-pantay kami sa lahat eh, sa exposure, sa TF [talent fee], sa career. So, para makaangat ‘yong iba, parang nabuwag. Gano’n na nga ‘yong nangyari.”
'Reserving my peace' post ni Mayor Mark Alcala, inokray dahil sa grammar
Pero sa ngayon daw, wala na raw silang komunikasyon sa isa't isa, at tila may pasaring ang rapper na wala raw nag-check sa kaniya nang mapilayan siya noong 2022 sa paglalaro ng basketball, at kailangan niyang sumailalim sa operasyon sa tuhod.
Hindi naman daw masama ang loob niya sa mga dating kasama dahil "ganoon naman daw talaga ang buhay."
MAKI-BALITA: Carlos Agassi, may sama ba ng loob sa dating grupong The Hunks?
