Hindi inurungan ni Kapamilya host Robi Domingo ang basher na nagbabalak ng masama kapag ipinares niya si “New Gen Matinee Idol" Donny Pangilinan kay “Asia’s Superstar” Kathryn Bernardo.
Sa latest Instagram post ni Robi noong Sabado, Pebrero 22, inihayag niyang isa raw karangalan na maging bahagi siya ng maalamat na Pilipinas Got Talent (PGT) bilang host nito.
“From being a fan to now being part of this legendary show—what a dream come true! Honored to be here alongside an amazing team,” saad ni Robi.
Dagdag pa niya, “Pilipinas, let’s celebrate talent like never before. The stage is set! ”
Anne Curtis, pinag-birthday concert sa 'Showtime' nang hindi handa
Ngunit isang netizen ang nangahas magkomento sa post ni Robi para bantaan siya.
“@iamrobidomingo ay subukan mo lang na i-match si @donny at @bernardokath ready ready and solid supporters ni Belle Mariano na ibash ka mula ulo mo hanggang paa. WAG MO ITOLERATE yung KA LANDIAN ng peste mong kaibigan,” anito.
Sagot naman ng Kapamilya host, “Can I consider this as a threat? Can I take legal actions against this? I don’t tolerate this behavior.”
Matatandaang ipinakilala na kamakailan ang mga “power judges” ng bagong season ng PGT kung saan makakasama nina Donny at Kathryn sina "The Boss" Freddie "FMG" Garcia at "Comedy Star For All Seasons" Eugene Domingo.
MAKI-BALITA: FMG, Donny, Eugene at Kathryn, ‘power judges’ ng ‘Pilipinas Got Talent’ season 7
Kasunod nga nito ay umugong ang bulung-bulungan na ipapares daw si Donny kay Kathryn samantalang ang ka-loveteam naman nitong si Belle Mariano ay itatambal kay Robbie Jaworski na kapipirma lang sa Star Magic kamakailan.
MAKI-BALITA: Kathryn, ipapartner daw kay Donny; si Belle naman kay Robbie Jaworski?
