Obligado na ang lahat ng survey institutions at ilang indibidwal na nagnanais na magsagawa ng "election survey" na magparehistro sa Commission on Elections (Comelec), matapos maaprubahan ang Comelec Resolution No. 11117 noong Miyerkules, Pebrero 19, 2025.
Ayon sa naturang resolusyon, kinakailangang dumaan sa Political Finance and Affairs Department (PFAD) ng Comelec ang sinumang nagnanais magsagawa ng election survey sa kasagsagan ng campaign period.
"During the election period, any person, whether natural or juridical, candidate, or organization that conducts and publicly disseminates an election survey must register with the Political FInance and Affairs Department (PFAD) of the Commision," anang resolusyon.
Iginiit din ng Comelec na pawang ang mga "nakapag-pre register" lamang daw ang maaaring maging awtorisadong magsagawa ng pampublikong election surveys.
VP Sara, inendorso si Sen. Bato: 'Matibay ang Bato, Hindi matitibag ang Bato!'
Samantala, nilinaw rin ng Comelec bagama't nagkalat na ang ilang election surveys, mayroon daw silang 15 araw na palugit upang makapag-register ang mga ito.
"During this period, they may continue their operations, but failure to register within the prescribed time frame shall result in the suspension of their authority to conduct and publish election surveys," anang Comelec.
Matatandaang umarangkada na ang campaign period para sa 2025 Midterm Elections noong Pebrero 11 at magtatapos sa Mayo 10.
