Kumuda ang “Sawsawera Queen” na si RR Enriquez patungkol sa couple tattoo ng partner ni Andi Eigenmann na si Philmar Alipayo at ng girl bestfriend nito.
Sa isang Instagram post ni RR noong Sabado, Pebrero 8, sinabi niyang katanggap-tanggap daw para sa kaniya ang pagkakaroon ng guy o girl bestfriend ng isang tao bago pa man ito magkaroon ng karelasyon, subalit kailangang alamin ang boundaries.
“But being in a relationship, you should know your boundaries and limitations do’n sa girl bestfriend or guy bestfriend mo. RESPECT ang tawag jan para sa inyong mga partners,” saad ni RR.
“Having the same tattoo together is very disturbing and disrespectful!” pagpapatuloy niya. “C’mmon!! Where’s your commonsense Philmar? Ok lang sana if ginawa mo ‘yan no’ng wala pa sa buhay mo si Andi. Pero ‘yong ngayon mo siya gagawin with your girl bestfriend?? Ohh Emm Gee!! Nasaan ang utak mo?”
Agot Isidro, nagugulat sa mabilis na pagsikat ng mga bagong artista
Samantala, bukod kay Philmar, pinatutsadahan din ni RR ang girl bestfriend nitong foreigner.
Aniya, “Girl, babae ka din impossible na hindi mo alam ang mapi feel ni Andi having the same tattoo together.”
Dagdag pa ni RR, bagama’t alam daw niyang naiiba ang kulturang pinagmulan ng girl bestfriend ni Philmar, iginiit pa rin niyang mali raw ang ginawa ng dalawa.
“But again maling mali for me ang ginawa no’ng Philmar and no’ng girl,” sabi niya.
Matatandaang nagsimulang lumutang ang intriga sa relasyon nina Philmar at Andi nang magbahagi ang huli ng makahulugang posts sa pamamagitan ng Instagram story.
KAUGNAY NA BALITA: Year of the Snake: Cryptic posts ni Andi inintriga, hiwalay na kay Philmar?
MAKI-BALITA: Andi, banas kay 'friend' na may couple tattoo kay Philmar
MAKI-BALITA: Philmar 'lumaban' sa pa-cryptic posts ni Andi
