Usap-usapan ng mga marites sa social media ang makahulugang Instagram stories ni Andi Eigenmann, anak ng pumanaw na batikang aktres na si Jaclyn Jose, matapos mapag-alamang tila nag-unfollowan na raw sa kani-kanilang Instagram accounts ang una at ang partner na si Philmar Alipayo.
Una na rito ang pag-post ni Andi patungkol sa "Year of the Snake," na talaga namang year sign sa pagpasok ng Chinese New Year kamakailan.
Aniya, "I just found out its the year of the snake!! I thought it was the year of the wolf in sheep’s clothing!"
Mas lalo pang tumindi ang espekulasyon ng mga netizen na may kinalaman sa love life ang shine-share ni Andi dahil sa mga sumunod niyang cryptic posts patungkol sa "red flag," at iba pa.
Andi, banas kay 'friend' na may couple tattoo kay Philmar
Isa pa rito ay ang ibinahaging screenshot ni Andi kung saan nagtanong siya sa "ChatGPT" tungkol sa "Do you think its sus [suspicious] when a friend invites your life partner to get a love couples tattoo with the without even filling you or consulting you??"
Sinagot naman siya ng ChatGPT na "That situation can definitely seem suspicious or raise some red flags..."
Pero nag-caption naman agad si Andi tungkol dito. Aniya, na-shock daw siya na inirelate agad ng mga tao sa "cheating" ang kaniyang ibinahagi.
"I realised my post may have been vague so will just put my first question to chatgpt here, for clarification!" aniya.
Sa isa pang Instagram story, sinabi ni Andi na may nakita na siyang "red flags" subalit pinili niyang huwag nang pansinin ito.
Ibinahagi pa ni Andi ang isang quote card na mababasa ang ganito, "They stab you and pretend they are the ones bleeding."
Samantala, hindi pa naglalabas ng opisyal na pahayag ang kampo ni Andi at Philmar upang kumpirmahin ang espekulasyon ng mga netizen.
