Napatanong si Vice President Sara Duterte kung bakit daw haharangin ni Senador Imee Marcos ang impeachment complaint laban sa kaniya.

Sa isinagawang press conference, inusisa si Duterte hinggil sa kaniyang reaksyon sa naging pahayag ni Sen. Imee na lalabanan nito “hanggang dulo” ang naipasang impeachment complaint ng House of Representatives.

MAKI-BALITA: Sen. Imee sa impeachment vs VP Sara: 'Lalabanan ko 'yan hanggang dulo!'

“Bakit kaya? Bakit kaya? Maybe we should ask her first bakit niya iba-block yung impeachment,” saad ni Duterte.

National

‘It’s up to them!’ Romualdez, iginiit na ‘di minamadali Senado sa impeachment vs VP Sara

Samantala, sa naturang press conference ay tinanong din si Duterte kung “na-assure” na raw raw ba siya hinggil sa kaniyang mga kaalyado at kaibigan sa Senado para hindi maipasa ang impeachment.

Sagot ng bise: “We haven’t talked. I have not talked to my friends in the Senate. Wala.”

Matatandaang noong Miyerkules, Pebrero 5, nang maiakyat na sa Senado ang impeachment complaint laban kay Duterte matapos itong aprubahan ng House of Representatives sa pamamagitan ng mahigit 215 na pirma ng mga mambabatas sa pangununa ng pamangkin ni Sen. Imee at anak ni Pangulong Bongbong Marcos na si Ilocos Norte 1st district Rep. Sandro Marcos.

MAKI-BALITA: ALAMIN: Listahan ng solons na pumirma sa impeachment laban kay VP Sara

Matapos maipasa sa House of Representatives, isasagawa naman sa Senado ang paglilitis ng impeachment complaint kung saan kinakailangan ng two-thirds na boto, o 16 sa 24 senador, upang tuluyang mapatalsik si Duterte sa puwesto.