Nilinaw ng Dumanjung Police na wala umanong foul play sa pagkamatay ng isang senior citizen sa Cebu at natagpuang pugot ang ulo.
Ayon sa ulat ng GMA Regional TV kamakailan, naaagnas na umano ang bangkay ng nasabing lola nang matagpuan ito sa kaniyang tahanan. Tinatayang dalawang araw na umanong patay ang matanda na posible raw inatake sa puso.
KAUGNAY NA BALITA: Lola sa Cebu, natagpuang pugot ang ulo!
Sa panayam ng media kay Police Captain Eden Rex Baguio, ang hepe ng Dumanjug police, hinihinalang ang alagang aso ng biktima ang dahilan kung bakit nahulog ang ulo nito na noo'y nasa state of decomposition na umano.
9-anyos na bata, patay matapos makuryente ng tinatayang 20 minuto
“Para siyang nadapa roon. Tapos yung ulo niya naka-hang sa hagdanan, so dahan-dahang nag-decompose. Ang nakikita namin, ang aso ni Nanay siguro ang may gawa, kaya nahulog ang ulo ni Nanay, dahil decomposed na siya,” ani Baguio.
Batay pa sa imbestigasyon ng mga awtoridad, wala raw nakitang anumang sugat sa katawan ng biktima at hindi rin siya nawalan ng pera at alahas.
