Patay ang 71 taong gulang na lolo mula sa Kiblawan, Davao del Sur matapos umano siyang tagain ng kaniyang pamangkin gamit ang palakol habang siya ay nasa duyan.
Ayon sa ulat ng Davao based radio station na Radyo Alternatibo noong Huwebes, Enero 30, 2025, nangyari ang krimen bandang 7:00 ng gabi noong Miyerkules, Enero 28, kung saan napag-alamang lasing umano ang 52 taong gulang na suspek.
Ilang saksi rin ang nagsabing agad umanong tumakas ang suspek matapos tagain ang biktima. Bunsod nito, ayon sa Kiblawan Municipal Police, agad silang nagkasa ng pursuit operation kung saan nasakote rin ang suspek.
Samantala, idineklara namang dead on arrival ang biktima na sinubukan pang isugod sa Gregorio Matas District Hospital.
56-anyos na babaeng natutulog, patay matapos pagnakawan sa loob ng sariling bahay
Kasalukuyan nang nakadetine ang suspek sa Kiblawan Police Station.
