Niyanig ng magnitude 4.0 na lindol ang probinsya ng Catanduanes nitong Huwebes ng madaling araw, Enero 30, ayon sa Philippine Institute of Volcanology and Seismology (Phivolcs).
Sa tala ng Phivolcs, nangyari ang lindol na tectonic ang pinagmulan dakong 12:50 ng madaling araw.
Namataan ang epicenter nito 13 kilometro ang layo sa timog-kanluran ng Panganiban, Catanduanes, na may lalim na 25 kilometro.
Naitala ang Instrumental Intensities sa mga sumusunod na lugar:
National
PBBM, kinilala 3 Pinay na nakarating na sa lahat ng 193 mga bansa sa buong mundo
Intensity III - Virac, CATANDUANES
Intensity II - Panganiban, CATANDUANES
intensity I - Caramoan, CAMARINES SUR; Tabaco, ALBAY
Wala namang inaasahan ang Phivolcs na posibleng aftershocks o pinsala ng lindol.
