Nasawi ang isang reelectionist municipal councilor sa Caoayan, Ilocos Sur matapos umano siyang barilin sa ulo sa Barangay Tamag, Vigan City nitong Sabado ng umaga, Enero 25.
Kinilala ng mga pulis ang biktima bilang si Anthony Verzola, isang residente ng Barangay Callaguip, Caoayan, Ilocos Sur.
Base sa imbestigasyon ng mga awtoridad, nakaupo lamang si Verzola sa harap ng isang restaurant bandang 6:00 ng umaga nang dumating ang hindi pa nakikilalang mga indibidwal na nakasakay sa isang motorsiklo. Isa umano sa kanila ang bumaril sa ulo ng biktima.
Agad na nakatakas ang mga suspek habang dinala naman ng mga pulis ang biktima sa isang ospital sa Vigan City kung saan siya tuluyang binawian ng buhay.
Lalaking nabalian ng buto matapos mapeke ng chiropractor, pumanaw na
Narekober naman ng pulisya sa pinangyarihan ng krimen ang walang lamang .45 caliber shell.
Sinusuri na ng mga awtoridad ang surveillance footages at nagsasagawa ng follow-up investigation.
Freddie Lazaro
