Arestado ang isang lalaking umano’y tulak ng droga matapos umano niyang gawing punching bag ang kaniyang kinakasama.
Base sa ulat ng lokal na pahayagang Radyo Agila Naga, matagal na umanong sinasaktan ng suspek na taga-Brgy. Alimbuyog, Milaor, Camarines Sur ang kaniyang kinakasama.
Dahil dito, nakatakda raw na ilabas ang warrant of arrest para sa kasong paglabag sa Republic Act 9262 o Violence Against Women and Their Children.
Nadiskubre umano ang pananakit ng suspek sa kaniyang kinakasama matapos itong maaktuhan ng mga awtoridad na nagbebenta ng isang sachet ng hinihinalang shabu sa halagang ₱500 noong Enero 8 ng gabi sa labas mismo ng kanilang bahay.
Dahil sa 5.8-magnitude na lindol: Kalsada sa Liloan, Southern Leyte, nagkabitak-bitak!
Umamin naman umano ang lalaki na gumagamit siya ng shabu.
Samantala, dalawa pang sachet ng ilegal na droga ang narekober ng mga awtoridad mula sa suspek.
Sa kasalukuyan ay nasa kustodiya na ng pulisya ang suspek.
