Nanatili pa rin bilang Kapuso si Ultimate Star Jennylyn Mercado matapos niyang pumirma ulit ng kontrata sa GMA Network ngayong Martes, Enero 21.
Ayon sa ulat ng GMA Entertainment, dinaluhan daw ang contract signing ceremony nina GMA Network President and Chief Executive Officer Gilberto R. Duavit, Jr., GMA Network Executive Vice President and Chief Financial Officer Felipe S. Yalong, GMA Network Senior Vice President for Entertainment Group Lilybeth G. Rasonable, at Aguila Entertainment Chief Executive Officer Katrina Aguila.
Kaya naman sa kaniyang pagre-renew ng kontra ay asahan daw ang mga proyektong aabangan mula sa aktres tulad ng “Everything About My Wife,” na isang collaboration project sa pagitan ng GMA Pictures at CreaZion Studios, kasama ang Glimmer Studios.
Bukod dito, may nakalinya na rin daw na GMA Prime Project si Jennylyn kasama ang mister niyang si Kapuso Drama King Dennis Trillo.
Mavy Legaspi, Ashley Ortega namataang magkasama sa Cebu
Matatandaang napabalita noong Hulyo 2024 ang tungkol sa umano’y paglayas ni Jennylyn sa kaniyang home network na kalaunan ay pinabulaanan ng talent manager niyang si Becky Aguila.
MAKI-BALITA: Manager, nagsalita sa isyu ng network transfer ni Jennylyn Mercado
