Nasawi ang isang 51-anyos na magsasakang nagpapahinga lamang malapit sa fishpond matapos umano siyang barilin ng isang 19-anyos na lalaki sa Don Salvador Benedicto, Negros Occidental.
Ayon kay Don Salvador Benedicto police chief Ryan Villasario, kinilala ang biktima sa pangalang Nelger Zayco.
Nagpapahinga lamang umano ang magsasaka malapit sa isang fishpond nang biglang dumating ang 19-anyos na suspek at binaril siya sa likod.
Naisugod pa umano sa ospital ang biktima ngunit binawian din ito ng buhay.
Magsasakang dalawang araw nang nawawala, nakitang pugot daw ang ulo
Samantala, nakita sa pinangyarihan ng krimen ang apat na live 12-gauge shotgun shells.
Pinaghihinalaan namang sama ng loob ang dahilan kaya nagawa ng suspek ang krimen sa suspek.
Nakatakas ang suspek ngunit natukoy na rin ang pagkakakilanlan nito, ayon kay Villasario.
Magsasagawa pa umano ang pulisya ng follow-up investigation.
Glazyl Masculino
