Tila “holdap gone wrong” daw ang nangyari sa isang insidente sa Malabon City, dahil sa halip na ang nanakawan ang matakot, ang mga holdaper daw ang kumaripas ng takbo palayo nang malamang marunong palang magkarate ang bibiktimahin nila.
Base sa ulat ng News5, inihayag ng mga awtoridad na noong Biyernes, Enero 17, nang planuhin ng riding-in-tandem ang pangho-holdap sa isang Indian national sa Malabon na may negosyong pagpapautang.
Ngunit bigla raw napatakbo sa takot ang mga suspek nang malamang nagkakarate pala ang Indian national.
Dagdag ng ulat, may hinala ang pulisya na matagal nang nais ng mga suspek na nakawan ang biktima dahil sa laki raw ng pera nito dulot ng kaniyang negosyo.
Sampaguita girl gusto mag-sorry sa sekyu, 'di ginustong masibak sa trabaho
Sa ngayon ay hindi pa natutukoy ng mga awtoridad ang pagkakakilanlan ng mga suspek. Nagpapatuloy raw ang imbestigasyon hinggil dito.
