Isang 60 taong gulang na lola ang natagpuang patay at hubo’t hubad sa loob ng isang musoleo sa Sorsogon Catholic Cemetery.
Ayon sa mga ulat, narekober ang bangkay ng biktima noong Linggo ng umaga, Enero 19, 2025 kung saan hinihinalang nagahasa rin umano ang matanda dahil ito’y hubo’t hubad. May bato rin umanong narekober sa paligid ng crime scene na siyang hinihinalang ginamit laban sa biktima.
Samantala, base sa ulat ng 101.5 Brigada News FM Sorsogon nitong Lunes, Enero 20, nasakote na ng pulisya ang isa sa mga suspek na umamin sa ginawang pangho-hold up.
Saad ng suspek, hindi raw niya akalaing gagahasain at papatayin umano ng kasamahan niya ang matanda.
6-anyos sa Cebu na mahigit 1 linggo nang nawawala, natagpuan sa ilog na pugot ang ulo
“Nag-inom kami ng alas singko, dumaan yung lola. Akala namin holdap lang yung mangyayari ‘di ko naman akalain na papatayin pala ni **** yung lola. Saka no’ng pinukpon na ng bato umalis na ako. Hindi ko naman alam na gano’n pala ang gagawin niya, re-rape-in pa niya,” anang nasakoteng suspek.
Inamin din niyang hindi raw nila plinano ang pangho-hold up dahil napadaan lang daw ang lolang biktima. Lubos din umano ang pagsisisi ng nasabing suspek sa nagawa sa biktima.
“Nagsisisi ako, sa ano sa pamilya ng biktima akala lang namin hold-up lang mangyayari,” saad ng suspek.
