Inusisa ni showbiz insider Ogie Diaz ang “Incognito” star na si Richard Gutierrez kung bakit daw siya na-attract kay Kapamilya actress Barbie Imperial.
Sa latest episode ng “Ogie Diaz Inspires” noong Huwebes, Enero 16, inisa-isa ni Richard ang mga katangiang nagustuhan niya sa kaniyang rumored-girlfriend.
“Si Barbie kasi totoong tao. What you see is what you get talaga sa kaniya. Mabuting tao, maalaga,” saad ni Richard.
Dagdag pa niya, “Makikita mo na genuine ‘yong intentions niya, genuine ‘yong pagkatao niya.”
Tatay ni Paul Salas, sumama ang loob kay Barbie Imperial
Ayon kay Richard, nagsimula raw silang magkakilala ni Barbie noong magbukas ang isang bar sa Alabang kung saan nakunan pa sila ng picture at kumalat pa nga kalaunan.
MAKI-BALITA: Anong meron? Richard at Barbie, naispatang magkasama sa Alabang
MAKI-BALITA: Richard Gutierrez, nilalandi ba ni Barbie Imperial?
“Do’n namin nakilala ang isa’t isa. Masaya siyang kasama. Enjoy kaming dalawa. Doon na nagsimula,” aniya.
Sa kasalukuyan, inaasikaso na raw ni Richard at ng ex-wife niyang si Sarah Lahbati ang kanilang annulment.
Matatandaang Marso 2024 nang kumpirmahin ng huli sa isang panayam ang hiwalayan nila ni Richard. Pero sa kabila nito ay hangad pa rin daw ng aktor na maging masaya si Sarah.
MAKI-BALITA: Sarah Lahbati, kinumpirmang hiwalay na sila ni Richard Gutierrez
