Sugatan ang isang 17 taong gulang na binatilyo matapos saksakin ng isang lalaki sa loob ng computer shop sa General Santos City.
Sa panayam ng media sa pulisya, tila napikon umano ang suspek na 17 taong gulang din matapos daw siyang pilit paalisin ng biktima sa loob ng computer shop dahil daw sa kaniyang anghit.
“Yung nanaksak is binully pala siya doon. ‘Di na siya nakapagtimpi, ‘yon nagawa niyang saksakin yung biktima,” ani P/Lt. Ferdinand Sahagun.
Nahagip naman ng CCTV sa naturang computer shop ang pananaksak ng suspek sa biktima na nagtamo ng sugat sa kanang bahagi ng kaniyang likod, hinambaan din ng suspek ang iba pa nilang kalaro sa bago tuluyang tumakas sa crime scene.
Lalaki, patay matapos pagtatagain ng sariling ama
Samantala, ayon sa mga awtoridad, sumuko rin ang suspek ilang araw matapos mangyari ang krimen. Isinuko rin daw nito ang patalim na ginamit niya sa pananaksak sa biktima.
Kasalukuyan nang nasa pangangalaga ng Bahay Pag-asa ang suspek na napag-alamang dati na ring naireklamo dahil sa pagnanakaw.
