Usap-usapan ng mga netizen ang isa sa mga hula ng kilalang psychic na si "Rudy Baldwin" kung saan sinabi niyang isang batang aktres daw ang magagahasa at isang vlogger daw na magkakaroon ng sakit ang mamamatay ngayong 2025.
Sinabi ito ni Rudy sa panayam sa kaniya ng batikang broadcast-journalist na si Korina Sanchez-Roxas sa magazine show na "Rated Korina," patungkol sa kaniyang mga prediksyon para sa 2025.
Isang batang aktres daw ang mapagsasamantalahan, na kamakailan lamang ay naisyu daw sa "cheating."
"Ang pangalan niya, nag-start sa letter M," sey pa ni Rudy.
Vic Sotto, may sagot tungkol sa kaniyang pinagdaraanan ngayon
Sunod naman, ang pagpanaw daw ng vlogger dahil sa kanser.
Ang vlogger na ito, na isang artista rin at inilarawan niyang maganda at sexy na may kapatid na babae at isang lalaki, at ibang lahi pa raw ang tatay nito.
Nagkaroon na raw ang nabanggit na vlogger ng issue sa kaniyang kalusugan subalit nalagpasan lamang.
"Bigla siyang nag-shut down," saad pa ni Rudy.
Bukod pa rito, may isa pa raw sakit na kakalat at magiging pandemya.
Kaniya-kaniya namang hula ang mga netizen kung sino ang tinutukoy na celebrities ni Rudy.
Pero may mga nagsasabi namang hindi dapat paniwalaan ang mga prediksyon ni Rudy dahil mas manalig pa rin daw sa Poong Maykapal.
