Agad na dinumog ng fans at supporters ang comment section ng X post ni Kapamilya star Angel Locsin matapos niyang sabihan ang mister na si Neil Arce na ikumpirmang naibalik na sa kaniyang ownership ang X account na na-hack kamakailan.
Bandang 7:51 ng gabi nang biglang mag-post sa kaniyang X account si Angel.
"Hello everyone long time no chat. I just wanna say I have recovered my X account (totoo na to, pramis ) Thank you sa mga tumulong and@X for helping. I miss you all and ingat lagi ," aniya.
Dahil maraming netizens ang hindi naniwala at nagduda, marami ang humamon kay Angel na kapag si Neil na ang nagkumpirma nito, talagang totoong nagbalik na nga siya.
Rosmar dalawang buwang buntis; sinugod sa ER dahil sa spotting
Bandang 7:54 ng gabi, Miyerkules, Enero 15, nang sabihan ni Angel si Neil na segundahan niyang okay na ulit ang kaniyang account at hindi hacker ang nag-post.
"Mahal ko, paki confirm ," tweet ni Angel na naka-tag sa kaniyang asawa.
Ni-reshare naman ito ni Neil sa kaniyang sariling X account.
"account recovered!" saad ni Neil.
Agad na nag-trending ang pangalan ni Angel Locsin sa X dahil dito.
MAKI-BALITA: Neil Arce, nagbigay ng update sa 'pagbabalik' socmed ni Angel Locsin
At dahil nga mismong si Neil na nga ang naniguradong misis na nga niya ang totoong nag-tweet, ay dumagsa naman ang mensahe ng mga netizen na sana raw ay magbalik na si Angel dahil miss na miss na raw nila ang presensya nito sa social media at maging sa showbiz.
"Kung di pa kayo mahahack, di pa kami makakakita ng proof of life niyo. Haha. Jk. Hope you’re always happy, healthy and safe. Dito lang kami at nag aantay lang sa inyong pagbabalik."
"Balik ka na idol. Miss ka na namin!"
"Sana may pelikula or TV show ka ulit miss ka na namin angel!"
"Ikaw na ba talaga yan huhuhu, kumusta ka na idol? Balik ka na sa amin pleassseeee...."
"Kailangan ka namin as our real-life Darna."
"hayan ginalaw na ang baso!"
Hindi naman tumugon si Angel sa mga post ng netizens.
Ang tanong, tuloy-tuloy na kaya ang muling pagbabalik sa social media ni Angel na tinaguriang "real-life Darna?"
