Buong akala ng mga tagahanga at tagasuporta ni Kapamilya star Angel Locsin ay nagbabalik-social media na ang kanilang idolo batay sa mga naglabasang posts nito sa X account, matapos na tila mag-endorso ng isang investment.

Makikitang nagbahagi tungkol sa crypto investment ang verified X account ni Gel, at nilinaw pang nagbabalik na siya at siya talaga ang nag-post niyon.

"Today i seen this on all news and i participated and i'm so happyyyyy. I want to share with you guys . Anyone from crypto world need to see this," mababasa sa X post noong gabi ng Lunes, Enero 13, 2025.

Sa isa pang post, pinagdiinan ng gumagamit ng account ni Angel na siya talaga iyon at hindi hacker.

Tsika at Intriga

Vic Sotto, may sagot tungkol sa kaniyang pinagdaraanan ngayon

"Hello guys , My post was not intended to make you think anything wrong about me. I found that giveaway online and joined as well. My account is not hacked, so stay chill. Love ya!"

"And i'm back on X!!!! :x," mababasa pa.

Ngunit nagbigay naman ng babala ang "Official Team Angel PH" X account na na-hack nga ang verified X account ni Angel, kaya huwag magpapaniwala ang mga netizen sa alinmang mababasa rito.

"ATTENTION: Please note that@143redangel, Angel Locsin’s account on X (formerly Twitter), has been hacked. Any replies or tweets from this account are not from Angel. Please be cautious," babala nila.

Sa isa pang post ay inulit nila ang warning at sinabing ginagawan na raw ng paraan ng aktres na maibalik sa pagmamay-ari niya ang X account.

Matatandaang pagkatapos lumabas ang resulta ng May 2022 national elections ay nanahimik na si Angel sa social media gayundin sa showbiz. 

Ang huling kita naman ng mga tao kay Angel ay sa sorties at campaign rallies ng Leni-Kiko tandem. 

MAKI-BALITA: Social media hiatus ni Angel Locsin, natapos na; nagpakita na raw?

Ayon naman sa kaibigan niyang award-winning actress at morning show host na si Dimples Romana, nasa mabuting kalagayan daw si Angel at ineenjoy ang kaniyang personal na buhay kapiling ang mister na si Neil Arce. 

MAKI-BALITA: Beshy na si Dimples Romana, nagsalita kung anyare na kay Angel Locsin

MAKI-BALITA: Angel Locsin ineenjoy absence sa social media

Pinabulaanan din ni Dimples ang mga kumalat na intrigang hiwalay na raw sina Angel at Neil. 

MAKI-BALITA: Hiwalayang Angel Locsin-Neil Arce, pinabulaanan ni Dimples Romana